బర్కిలీలో అదృశ్యమైన భారత విద్యార్థి సాకేత్ మృతి… స్నేహితుడి సంచలన వ్యాఖ్యలు

అమెరికాలోని కాలిఫోర్నియా రాష్ట్రంలో అదృశ్యమైన భారత విద్యార్థి సాకేత్ శ్రీనివాసయ్య మృతి చెందిన విషయం వెలుగులోకి వచ్చింది. ఆరు రోజులుగా గాలింపు చర్యలు కొనసాగించిన అనంతరం సాకేత్ మృతదేహాన్ని గుర్తించినట్లు Indian Consulate in San Francisco మరియు స్థానిక పోలీసులు ధృవీకరించారు. మృతదేహాన్ని వీలైనంత త్వరగా కుటుంబ సభ్యులకు అప్పగించేందుకు చర్యలు చేపడుతున్నట్లు అధికారులు తెలిపారు.

చివరిసారిగా లేక్ అంజా వద్ద కనిపింపు

సాకేత్ University of California, Berkeleyలో ప్రాడక్ట్ డెవలప్‌మెంట్ ప్రోగ్రాంలో మాస్టర్స్ చదువుతున్నాడు. అతను చివరిసారిగా Lake Anza వద్ద కనిపించినట్లు పోలీసులు వెల్లడించారు. ఆ ప్రాంతంలో గాలింపు చర్యల అనంతరం మృతదేహాన్ని స్వాధీనం చేసుకున్నారు.

స్నేహితుడి వ్యాఖ్యలు

సాకేత్ సన్నిహితుడు బాణీత్ సింగ్ సోషల్ మీడియాలో చేసిన పోస్టులో పలు సంచలన విషయాలు వెల్లడించాడు. సాకేత్ మృతి చెందడానికి రెండు వారాల ముందు వరకు సాధారణంగానే ఉన్నాడని, అయితే గత రెండు వారాలుగా తక్కువగా తింటూ కేవలం చిప్స్, బిస్కెట్లు మాత్రమే తీసుకుంటున్నాడని తెలిపాడు.

జనవరి 21న లేక్ అంజా వద్దకు రమ్మని సాకేత్ పిలిచాడని, కానీ తాను వెళ్లలేదని బాణీత్ పేర్కొన్నాడు. చివరిసారిగా సాకేత్‌ను ఎరుపు రంగు బాత్ రోబ్ ధరించి క్లాస్‌కు వస్తుండగా చూసినట్టు తెలిపాడు. “ఇలా ఎందుకు వస్తున్నావు?” అని అడిగితే, “ఇప్పుడు ఏదీ పట్టించుకోవడం లేదు… చాలా కూల్‌గా ఉన్నాను” అని సాకేత్ సమాధానం ఇచ్చాడని చెప్పాడు. ఆ మాటలు విని తాను షాక్‌కు గురయ్యానని వెల్లడించాడు.

కుటుంబానికి ఎమర్జెన్సీ వీసా

సాకేత్ కుటుంబ సభ్యులు అత్యవసర వీసాపై అమెరికాకు వచ్చేలా చర్యలు తీసుకుంటున్నామని బాణీత్ సోషల్ మీడియాలో పేర్కొన్నాడు. మృతికి గల కారణాలపై అధికారులు దర్యాప్తు కొనసాగిస్తున్నారు.