🚨 తిరుమలలో క్యూ లైన్లో పాము కాటు — భక్తురాలు క్షేమం

కలియుగ వైకుంఠంగా భావించే తిరుమలలో కలకలం రేగింది. శ్రీ వేంకటేశ్వరస్వామి దర్శనానికి వెళ్తున్న క్యూ లైన్లో ఓ మహిళా భక్తురాలిని పాము కాటేసిన ఘటన భక్తుల్లో ఆందోళన కలిగించింది.

ఆదివారం (ఫిబ్రవరి 22) రాత్రి రూ.300 దర్శనం క్యూ లైన్లో నిలుచున్న సమయంలో ఈ ఘటన చోటుచేసుకుంది. బాధితురాలు తెలంగాణ రాష్ట్రం భూపాలపల్లి జిల్లాకు చెందిన 27 ఏళ్ల మౌనికగా గుర్తించారు.

పాము కాటేయడంతో వెంటనే ఆమెను స్థానిక అశ్విని ఆసుపత్రికి తరలించి చికిత్స అందించారు. వైద్యులు తెలిపిన వివరాల ప్రకారం — ప్రస్తుతం ఆమె ఆరోగ్యం నిలకడగా ఉండగా, చికిత్స అనంతరం స్వస్థలానికి తిరిగి వెళ్లింది.

ఇటీవల తిరుమల వేంకటేశ్వరస్వామి ఆలయం పరిసరాల్లో ఇలాంటి ఘటన జరగడం భక్తుల్లో భయాందోళనకు దారి తీసింది. క్యూ లైన్లలో భద్రతా చర్యలు మరింత బలోపేతం చేయాలని భక్తులు కోరుతున్నారు.

ఇటీవల తిరుమలలో కల్తీ నెయ్యి వివాదం సహా పలు సంఘటనలు చోటుచేసుకుంటున్న నేపథ్యంలో ఈ ఘటన మరింత ఆందోళన కలిగిస్తోంది.